Justizia herritarrengana hurbiltzen

Lantalde Psikosozial Judizialak Oņatin antolatutako jardunaldiak amaitu dira

Eusko Jaurlaritzaren Lan eta Justizia Saileko Lantalde Psikosozialak “Familia Zuzenbidea  eta ebaluazio psikologiko/psikosoziala: protokoloak,  estandarrak eta praktika onak” jardunaldiak egin ditu urriaren 5 eta 6ean Oñatiko Soziologia Juridikoko  Institutuan.

Justizia Sailburuorde Miren Gallastegik ireki zituen Lantalde Psikosozial Judizialeko teknikariei zuzendutako jardunaldiak.

Jardunaldietan Eusko Jaurlaritzako Lantalde Psikosozialeko 25kidetik gora eta autonomia erkidegoetako hainbat adituk hartu dute parte.

Lantalde Psikosozial Judizialak Oņatin antolatutako jardunaldietako partaideen argazkia.

2017ko urriaren 6ean argitaratua. Honi buruz gehiago irakurri:  Justiziarekin elkarlana. Iruzkin bat egin.

Kudeaketako eta Izapidetzako Kidegoetako oposizio deialdia (barne sustapena)

Kudeaketako eta Izapidetzako Kidegoetako oposizio deialdia (barne sustapena)

Justizia Administrazioaren Kudeaketa Prozesal eta Administratiboko eta Izapidetza  Prozesal eta Administratiboko Kidegoetan barne sustapen bidez sartzeko hautaketa prozesuen deialdi berria.

Hautaketa prozesuan parte hartu nahi dutenek, Justizia Administrazioaren hautaketa probetan parte hartzeko eskaera eredu ofiziala bete behar dute (790-eredua-007 kodea. Goiburuan idatzita dator “Justizia Administrazioaren hautaketa probetan parte hartzeko eskaera eta azterketa egiteko tasak”).

2017ko urriaren 6ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.

Lan-jardunaldia hasi du LSNEn Eusko Jaurlaritzako Talde Psikosozial Judizialak

Lan-jardunaldia hasi du LSNEn Eusko Jaurlaritzako Talde Psikosozial Judizialak

Eusko Jaurlaritzako Talde Psikosozial Judizialeko 25 kide eta beste erkidego batzuetako aditu batzuk Oñatiko Lege Soziologiako Nazioarteko Erakundean batzartu dira, eta urriaren 5ean eta 6an bertan egingo dituzte jardunaldi batzuk, Familia-zuzenbidea eta Ebaluaketa Psikologiko/Psikosozial Forentsea: Protokoloak, Estandarrak eta Praktika Onak izenburuarekin.

Jardunaldi horiek Eusko Jaurlaritzako Lan eta Justizia Saileko Justizia Sailburuordetzak antolatu ditu eta gaur, eguena, inauguratu ditu Justizia sailburuorde Miren Gallastegik. Bere sarrera-hitzaldian, balioan jarri du Talde Psikosozial Judizialeko kideek egiten duten lana, bereziki familia-egoera delikatuetan edo krisi egoeratan dauden adingabekoekin, eta lan hori eskertu du. Jardunaldion gidari lanetan arituko da Fernando Álvarez Ramos, Eusko Jaurlaritzako Talde Psikosozial Judizialeko koordinatzailea.

LSNEren aldetik, ordezkariek eskerrak eman dizkiote Eusko Jaurlaritzako arduradunei jardunaldirako LSNEra eta Oñatira etortzea aukeratu izanagatik.

Justizia Sailburuorde Miren Gallastegik ireki ditu jardunaldiak.

2017ko urriaren 5ean argitaratua. Honi buruz gehiago irakurri:  Justiziarekin elkarlana. Iruzkin bat egin.

Urriak 5: Lantalde Psikosozial Judizialak antolatutako jardunaldia hasiko da

Urriak 5: Lantalde Psikosozial Judizialak antolatutako jardunaldia hasiko da

Eusko Jaurlaritzaren Lan eta Justizia Saileko Lantalde Psikosozialak “Familia Zuzenbidea  eta ebaluazio psikologiko/psikosoziala: protokoloak,  estandarrak eta praktika onak” jardunaldia antolatu du urriaren 5 eta 6rako Oñatiko Soziologia Juridikoko  Institutuan.

Nazioarteko adituek parte hartuko dute jardunaldian, eta lau eztabaida-talde egongo dira:

  • 1 Tailerra: Zer ebidentzia zientifiko dago zaintza-ebaluazioen oinarrian.
  • 2. Tailerra: Umeen zaintzaren ebaluazioa: irizpide psikosozialak eta estandarrak.
  • 3. Tailerra: Umeen zaintza ebaluatzeko prozesua: metodologia eta teknikak.
  • 4. Tailerra: Ebaluazioa zuzentzen duten printzipioak.

Lantalde Psikosozial Judizialak antolatutako “Zuzenbidea  eta ebaluazio psikologiko/psikosozial forentsea: protokoloak, estandarrak eta praktika onak” jardunaldiaren egitaraua.

2017ko urriaren 3ean argitaratua. Honi buruz gehiago irakurri:  Eusko Jaurlaritza. Iruzkin bat egin.

Nire kexa adierazi nahi dut

Nire kexa adierazi nahi dut

Herritarrok Justizia Administrazioaren funtzionamenduari buruzko erreklamazioak edo iradokizunak aurkezteko eskubidea dugu. Prozedura doan da eta aurrez aurre edo telematikoki aurkez daiteke.

Kexa aurrez aurre aurkeztu nahi baduzu, bertara joan behar duzu: epaitegi edo auzitegira, aginte organoetara, Herritarren Harrera Zerbitzura (Justizia jauregietan daude), Botere Judizialaren Kontseilu Nagusira, Justizia Ministeriora zein Autonomia Erkidegoetako administrazioetara.

Telematikoki aurkeztu nahi baduzu, JustiziaNet bitartez egin behar duzu.
 
Kexak edo iradokizunak aurkezteko ez dago epe jakinik.  Hori bai, behin aurkeztuz gero, erantzuna gehienez hilabete bateko epean jaso behar duzu.

Gainera, kontutan hartu zenbait kasutan ezin direla kexak edo iradokizunak egin. Adibidez, kexa eragin duen egitatea diziplinako arau-hauste bat izan badaiteke, edo epai bati buruzkoa bada.

2017ko irailaren 29ean argitaratua. Honi buruz gehiago irakurri:  Justizia.net-eko zerbitzuak . Iruzkin bat egin.