Justizia herritarrengana hurbiltzen

"Bitartekotza, errealitatea. Euskadiko esperientzia" jardunaldia ostiralean Deustuko Unibertsitatean

“Bitartekotza, errealitatea. Euskadiko esperientzia” jardunaldia datorren ostiralean martxoaren 17an egingo da Deustuko  Unibertsitatean.

Ekitaldia Icaza auditorioan izango da eta  bertan parte hartuko dute, besteak beste, Eusko Jaurlaritzaren Lan eta Justizia Sailburu Maria Jesus San Josek, EAEko Justizia Auzitegi Gorenaren presidente Juan Luis Ibarrak, EAEko Fiskaltza Nagusiko fiskal Juan Calparsorok, eta Botere Judizialaren Kontseilu Nagusiko Magistratu Ana Maria Carrascosak.

Jardunaldiaren helburua Euskadin bitartekaritza arloan egindako lana ezagutzera ematea eta partekatzea da. Horretarako, urte luzetan garatutako hainbat programa eta esperientzia eta  arlo ezberdinetako bitartekarien elkarlanerako jarrera azalduko dute, enplegua sortzeko aukera dela azpimarratuz.

2017ko martxoaren 13ean argitaratua. Honi buruz gehiago irakurri:  Justiziarekin elkarlana. Iruzkin bat.

Ba al dakizu EAEko Justizia Administrazioari buruzko zalantzak argitzeko postontzi bat dagoela?

Ba al dakizu EAEko Justizia Administrazioari buruzko zalantzak argitzeko postontzi bat dagoela?

2016 urtean zehar, herritarrekin harremanetan jartzeko Justizianet-eko atalaren bitartez,EAEko Justizia Administrazioarekin lotutako galderak eta zalantzak zituzten erabiltzaileen 1.103 mezu jaso ditugu.

Galderen erdia baino gehiago (%51) Erregistro Zibiletan egiten diren izapide ezberdinei buruz izan dira. ezkontza, jaiotza eta heriotza ziurtagiri eskaerak, ezkontza espedienteen irekiera, atzerrian egindako ezkontzen legeztatzea, espainiako nazionalitatea eskatzea, jaioberrien inskripzioak, izen eta abizen aldaketak...

Gainera, askok online egindako jaiotza, ezkontza edo heriotza ziurtagirien eskaeren egoera ezagutzeko erabiltzen dute postontzia. JustiziaNet-en izapideak online kontsultatzeko aukera dago. Horretarako, “zure izapideen egoera kontsultatu”atalean sartu eta eskaera egiteko erabilitako identifikazio zenbakia (NAN, pasaportea…) idatzi  behar da. Ondoren, automatikoki zure eskaeraren egoera agertuko da.

2016an postontziaren bitartez jaso diren galderak:

  • Enplegu publikoa eta trebakuntza: 61 mezu.
  • Kexak, erreklamazioak eta iradokizunak:  21 mezu.
  • Erregistro Zibila: 563 mezu.
  • Eskerrak: 104 mezu.
  • Lan eta Justizia Saila: 43 mezu.
  • Doako Justizia: 8 mezu.
  • Auzitegiko Medikuntza: 33 mezu.
  • Profesionalen zalantzak: 88 mezu.
  • Sindikatuak:  8 mezu.
  • Enkante Judizialak: 7 mezu.
  • Genero indarkeria: 5 mezu.
  • Albisteetan egindako aipamenak: 84 mezu.
  • Beste galdera mota batzuk: 78 mezu.

Galdera bat bidali nahi al diguzu? JustiziaNet-eko postontzia erabili ezazu EAEko Justizia Administrazioari buruz dituzun galderak egiteko.

Zertan da nire izapidea? JustiziaNet-eko online aplikazioaren bitartez jaiotza, ezkontza edo heriotza ziurtagiria eskatu baduzu, izapidearen egoera “zure izapideen egoera ikusi” ataletik ikus dezakezu.

2017ko martxoaren 1ean argitaratua. Honi buruz gehiago irakurri:  Ba al dakizu?. Iruzkin bat egin.

Oņatiko Soziologia Juridikoko Nazioarteko institutuak eztabaidarako eta ideiak trukatzeko workshop berriak antolatu ditu

Oņatiko Soziologia Juridikoko Nazioarteko institutuak eztabaidarako eta ideiak trukatzeko  workshop berriak antolatu ditu

Oñatiko Soziologia Juridikoko Nazioarteko Institutua  mundu mailako erreferentea da gizarte zientzia eta zientzia juridikoen arloan.  Laurogeigarren hamarkadan sortu zenetik, europako eta europatik kanpoko hainbat unibertsitaterekin harremana izan du, eta mintegi eta lantegi anitz antolatu ditu.

Institutuak garatutako ekintzen artean, urtero apiriletik uztailera bitartean Soziologia Juridikoari buruz antolatzen dituen  workshop-ak daude.  Institutuak eztabaidarako eta ideiak trukatzeko leku ezin hobea eskaintzen die ikertzaileei.

Batzorde batek, workshop-ak antolatzeko Institutura iristen diren eskaerak aztertzen ditu.   Aukeraketa egiteko, hainbat irizpide hartzen dira kontutan, hala nola, parte-hartzaileen profila, gaia, eta Euskal Herriarekin duten harremana. Horrela, oraingo honetan Institutuak hurrengo gaiekin lotura duten eztabaidak garatu nahi ditu: etxebizitzarekin lotutako arazo sozio-juridikoak, gazte-delinkuentzia, genero indarkeriarekin lotutako araudia, adingabeen epaitegiek hartutako neurriak, bitartekaritza zibila eta norbanakoen mugaz bestaldeko zirkulazioa.

2017ko otsailaren 24ean argitaratua. Honi buruz gehiago irakurri:  Justiziarekin elkarlana. Iruzkin bat egin.

Gasteizko epaitegi batek eraginkortasunari saria jaso du

Gasteizko epaitegi batek eraginkortasunari saria jaso du

Atzo banatu ziren Madrilen zazpigarren Justiziaren Kalitateari sariak, erakunde eta organo judizialei Justizia garaikideagoa eta herritarrekiko hurbiltasuna lortzeko bidean egindako lana aitortuz. Gasteizko Lehen Auzialdiko 5 zkiko epaitegiak Justizia eraginkorra saria jaso du, oso azkar erantzuteagatik eta errendimendu altua izateagatik.

Epaitegiaren buru Jose Luis Nuñez Corralek eta epaitegian lan egiten duten funtzionarioetako bik, Felisa Baquero kudeatzaileak eta Fernando Sanchez izapidegileak jaso zuten saria, Auzitegi Gorenaren eta Botere  Judizialaren Kontseilu Nagusiaren presidente Carlos Lesmesen eskutik.

Atzo banatu ziren Madrilen zazpigarren Justiziaren Kalitateari sariak

 

 

 

 

 

 

 

 

 

Sarien banaketa ekitaldian, Carlos Lesmesek Justiziaren kalitatea hobetzeko egindako lana, lanerako konpromisoa eta erantzukizuna aitortu dizkie.

2017ko otsailaren 23ean argitaratua. Honi buruz gehiago irakurri:  Botere Judiziala. Iruzkin bat egin.

Puņetak Sarien edizio berria

Puņetak Sarien edizio berria

Komunikatzaile eta Berriemaile Juridikoen Elkarteak (KBJE) aste honetan banatu ditu Puñetak sariak. Sarien bitartez, estamentu juridiko ezberdinetatik Zuzenbidearen eta Justiziaren alde nabarmen aritu direnen lana aitortu nahi da.

Oraingoan, “Urrezko Puñetak” saria Abokatuen Mutualitateak irabazi du, abokatuek eta euren familiek gizarte arloan izan ditzaketen beharrak aseta izan ditzaten urte luzetan egindako lanagatik.

“Zilarrezko Puñetak” saria Elvira Tejada de la Fuentek irabazi du, arlo juridiko guztiek aitortzen dioten lan ibilbide oparoagatik eta azken urteotan Auzitegi Gorenaren Krimen Informatikoen Salako fiskal gisa ziber-delinkuentziaren aurka egindako lanagatik.

“Brontzezko Puñetak” saria Santiago Muñoz Machadok jaso du, abokatu eta Errege Akademiako kide gisa Hiztegi Juridikoa zuzentzen egindako lanagatik.

“Puñetas Periféricas” saria Vicente Magro magistratuak irabazi du, Alacanteko Probintzia Auzitegiaren presidente izanik, bitartekaritzaren alde egindako lanagatik eta auto istripuen eragileak edo tratu txarrak ematearren zigortutako norbanakoen birgizarteratze eta berrezte lanean egindako lanagatik.

Ironikoki, berriz, VI. “Vete a hacer Puñetas” saria politikarien espektuluak jaso du, urtebetez norbere interesak eta partidoarenak aurretik jarri eta Gobernua osatzeko akordiorik ez adosteagatik. 

2017ko otsailaren 9ean argitaratua. Honi buruz gehiago irakurri:  Botere Judiziala. Iruzkin bat egin.