Justizia herritarrengana hurbiltzen

Justizia digitala

Enkante elektronikoak, diru-eskaintzak etxetik egin ditzakezu

Enkante elektronikoak, diru-eskaintzak etxetik egin ditzakezu

Duela hilabete batzuk enkante judizialetan etxetik parte har dezakezu; izan ere, orain elektronikoki egiten dira eta ez epaitegietan.

Hortaz, enkante guztiak BOEren Enkanteen Atari Bakarrean egiten dira. Hori bai, Justizianet-en EAEko ondasunei buruzko datozen enkanteen berri  izaten jarraituko duzu.

Eta enkante judizialek nola funtzionatzen duten jakin nahi baduzu, Justizianet-en “enkante elektronikoei” buruzko atal berrira jo dezakezu. Atal horretan, besteak beste, Enkante Judizialen atarian sartu, ziurtagiri digitalarekin izena eman, gordailuak telematikoki egin eta diru-eskaintzetan online parte-hartzeko modua azaltzen dizugu.

Zure zain gaude!

2016ko irailaren 28ean argitaratua. Honi buruz gehiago irakurri:  Justizia digitala. Iruzkin bat.

Euskadin egiten diren jakinarazpen judizialen erdia baino gehiago modu telematikoan egiten dira

Euskadin egiten diren jakinarazpen judizialen erdia baino gehiago modu telematikoan egiten dira

Eusko Jaurlaritzak informatika-aplikazio propio bat sortu du, Euskadiko justizia-arloko profesionalen arteko komunikazioa kudeatzeko: «JustiziaSip». Tresna hori guztiz integratua dago Eusko Jaurlaritzak espediente judizialak kudeatzeko diseinatutako kudeaketa prozesalaren sisteman («JustiziaBat»). Ingurune informatiko itxi horrek segurtasun-berme guztiak ditu eta jarduera judizial eta fiskal guztiak biltzen ditu.

«JusticiaSip» % 100ean ezarri da, eta guztiz erabilgarri dago hiru lurralde historikoetako abokatuen eta prokuradoreen sei elkargoetan eta Euskadiko hiriburuetako barruti judizialetako jurisdikzio guztietan (zibila, penala administrazioarekiko auziena eta lan-arlokoa). 

Urtarrilaren 1etik, 182.018 jakinarazpen judizial egin dira Euskadin, eta modu telematikoan egin dira horietako 100.909, hau da, % 55,4. Gehienak Bizkaian eta jurisdikzio zibilean izan dira.

Aurten, gainera, Eusko Jaurlaritzak programa pilotu bat martxan jarri du jakinarazpen judizialen digitalizazioa izapide-idazki batzuetara ere zabaltzeko (ahalmenak, probak, deklarazio-eskaerak, etab). Araban abokatutzan lanean ari diren pertsona guztiak eta hiru lurralde historikoetako 54 prokuradore ari dira programa horretan parte hartzen. Komunikazioen digitalizazioa konkurtsoko administratzaileetara, lan-harremanetako gradudunetara eta euskal erakundeetako zerbitzu juridiko guztietara zabaltzea izango da hurrengo urratsa.

Eusko Jaurlaritzak 139,9 milioi euroko inbertsioa egingo du aurten Euskadiko justizia-administrazioan, iaz baino % 4 gehiago. Horietatik, 17,9 milioi euro informatika-sistema judizialean inbertituko dira oso-osorik. Lan horiekin lortu nahi den azken helburua Euskadiko justizia-administrazioan paperik ez erabiltzea da.

2016ko otsailaren 29ean argitaratua. Honi buruz gehiago irakurri:  Eusko Jaurlaritza. Iruzkin bat egin.