Justizia herritarrengana hurbiltzen

Justiziarekin elkarlana

Abokatuen elkargoek ekitaldi aldarrikatzaileak egingo dituzte uztailaren 12an Doako Justiziaren eta Ofiziozko Txandaren Eguna ospatzeko

Abokatuen elkargoek ekitaldi aldarrikatzaileak egingo dituzte uztailaren 12an Doako Justiziaren eta Ofiziozko Txandaren Eguna ospatzeko

Abokatuen elkargoek Doako Justiziaren eta Ofiziozko Txandaren eguna ospatzen dute uztailaren 12an Espainia osoan, eta hainbat ekitaldi aldarrikatzaile gauzatuko dituzte oinarrizko zerbitzu horren garrantzia azpimarratzeko, herritar guztiek Justizia erabiltzeko aukera berak izatea bermatzen duen heinean. Urtero uztailaren 12an gauzatzen diren ekintza horien bidez, babestu eta ezagutarazi egin nahi da ofiziozko 45.300 abokatuk baino gehiagok, Doako Laguntza Juridikoaren eta Ofiziozko Txandaren zerbitzuen bidez, urtean 365 egunez eta egunean 24 orduz egiten duten lana.

Espainiako Abokatutzaren Kontseilu Nagusiak ofiziozko txandako eta doako justiziako abokatuen papera aitortzeko eta aldarrikatzeko egun gisa finkatu zuen duela zenbait urte uztailaren 12a, gizarte-bozgorailu gisa jardun eta sozialtzat eta zuzenbidez demokratikotzat jotzen den estatu batean doako justiziak duen garrantzia aldarrikatzeko xedez.

Beste jarduera batzuen artean, honako hauek gauzatuko dira abokatuen elkargoetan: doako justiziaren ikurrina altxatzea, ate irekien egunak, ofiziozko txanda babesteagatik sariak ematea, doako justiziari buruzko bakarrizketak, futbol-partidak, ibilaldiak eta lasterketak, irratsaioak elkargo-korporazioetan… Aurreko urteetan bezala, doako justiziaren eta ofiziozko txandaren kale-izendegia zabaltzeko proposamenak ere egingo dira; gaur egun, Espainiako 30 herritan dago kale, plaza edo lorategiren bat ofiziozko txandaren izena duena.

2017ko uztailaren 12ean argitaratua. Honi buruz gehiago irakurri:  Justiziarekin elkarlana. Iruzkin bat egin.

Bitartekaritzaren arrakasta Euskadin

Bitartekaritzaren arrakasta Euskadin

Eusko Jaurlaritzako Bitartekaritza Judizialeko Zerbitzuak 2016 urteko familia- eta zigor-arloko memoriak aurkeztu berri ditu. Datuek bitartekaritzak Euskadin izan duen arrakasta handia erakusten dute, izan ere, Euskadiko epaitegi eta auzitegietatik Bitartekaritza Judizialeko Zerbitzura bideratutako auzien erdia alde bien arteko akordioarekin konpondu da.  

Familia arloan, 2016. urtean BJZk  guztira 733 auzi landu zituen, horietatik 629 epaitegi eta auzitegietatik eratorritakoak eta 104 aurreko urteetakoak, artean ebazteko zeudenak. 624 auzi itxi dira. Horietatik 261 -%41-bitartekaritza prozesuaren bitartez konpondu dira, eta bi aldeen arteko adostasuna lortu dutenak %48%izan dira.

Zigor-arloan, 2016.urtean BJZk 2016 espediente izapidetu ditu, horietatik 1.414 organo judizialetatik eratorritakoak eta 1.231 aurreko urteetakoak, artean ebazteko zeudenak. 1.171 auzi itxi dira, horien %51%(602 auzi) bitartekaritza prozesu baten bitartez ebatzi dira, eta %78 akordioarekin itxi da. Aldiz, gainerako %48 (569 auzi) bitartekaritzara jo gabe itxi da.

2017ko ekainaren 14ean argitaratua. Honi buruz gehiago irakurri:  Justiziarekin elkarlana. Iruzkin bat egin.